Մամիկոն Ասլանյանն ազատ արձակվեց

Մամիկոն Ասլանյանն ազատ արձակվեց։ 2 տարի 7 ամիս անազատությունից հետո Ասլանյանի խափանման միջոցը փոխվել է, դատարանի որոշմամբ նա ազատ արձակվեց 10 մլն դրամ գրավով։
Լրագրողները հետաքրքվեցին հետագա անելիքների, պաշտոնին վերադառնալու վերաբերյալ, հարցերին ի պատասխան նա ասաց․ «2 տարի 7 ամիս հանրության հետ լայն շփումներ չեմ ունեցել, իմ թիմակիցների հետ պետք է խորհրդակցեմ, որպեսզի հասկանանք մեր անելիքները։ Ես պաշտոնի համար կռիվ չեմ տվել, որ ասեմ իմ պաշտոնն ինձնից տարել են։ Ընտրվելուց հետո ամեն ինչ արել են, որ չստանձնեմ իմ պարտավորությունները։ Պետք է հասկանանք մեր հետագա գործունեությունը ինչպես ենք ծավալում։ 2 տարի 7 ամիս քաղաքում տապալվել է տեղական ինքնակառավարաման աշխատանքը»,-ասաց Ասլանյանը՝ շնորհակալություն հայտնելով բոլոր նրանց, ովքեր այս ընթացքում եղել են քաղբանտարկյալների կողքին։