«Դանիբեկյանը շատ խոշոր գումարներ է ստացել»․ Հովիկ Աղազարյան

ՔՊ-ական պատգամավոր Հովիկ Աղազարյանն «Առաջին լրատվական»-ի եթերում անդրադարձել է դատավոր Աննա Դանիբեկյանի լիազորությունները դադարեցնելու՝ ԲԴԽ որոշմանն ու հայտարարել հետևյալը․ «Կարգապահական տույժեր տալու իրավական գործընթացներին լավ չեմ տիրապետում, բայց, այդուհանդերձ, պետք է դա շուտ արվեր։ Դանիբեկյանը հաստատ մեծ գումարներ է ստացել, հարյուր տոկոս՝ շատ խոշոր գումարներ, ապացուցելը դժվար է, ուղղակի մեր քաղաքացիները պետք է ներողամիտ լինեն, որ մենք՝ որպես իշխանություն, էն մակարդակով չենք կարողանում կատարել մեր խոստումները էդ բնագավառում»։

Հիշեցնենք՝ ԲԴԽ-ին միջնորդությունը ներկայացրել էր Արդարադատության նախարարությունը՝ պահանջելով կարգապահական պատասխանատվության ենթարկել Աննա Դանիբեկյանին:

Նախարարության գնահատմամբ՝ Դանիբեկյանը կոպիտ անփութությամբ խախտել է դատավորի վարքագծի կանոնները, որի հետևանքով ամբաստանյալները, այդ թվում՝ Ռոբերտ Քոչարյանը, ազատվել են պատասխանատվությունից՝ հանցանքի վաղեմության ժամկետներն անցնելու հիմքով: