«Փաշինյանն ընտրությունների է պատրաստվում»․ Կարեն Քոչարյան

243

Շաբաթ, 20 հուլիսի, 2024 թ., 23:24

«Իշխանությունը միաբերան արձակուրդ է գնացել, որ հանկարծ չխոսեն, որովհետև ցանկացած խոսք իրենց դեմ կարող է աշխատել, խուսափում են որևէ հանդիպումներից, լրագրողների հարցերից, շփումներից»,-24TV-ի եթերում ասաց քաղտեխնոլոգ Կարեն Քոչարյանը։
Անդրադառնալով Բաքվի պահանջներին, նա ասաց․ «Բաքուն միջանցքից բացի պահանջները բարձրացրել է. ադրբեջանցիների բնակեցման հարց, երրորդ ուժերի ներկայություն, ուզում են ՀՀ-ն դարձնել տարածք, որտեղ կլինի ՌԴ ռազմաբազա, միջազգային դիտորդներ, թուրքական ուժային կառույցներ։ Իշխանությունն էլ նստած սպասում է, որ երկնքից մանանա թափվի»։

Քոչարյանի կարծիքով Փաշինյանը պատրաստվում է ընտրությունների․ «Չգիտեմ արտահերթ, թե հերթական, սակայն պատրաստվում են ընտրությունների։ ՔՊ-ի գրասենյակները սնկի պես քաղաքում աճում են, ապագա շտաբեր են»,-ասաց Քոչարյանը՝ հավելելով, որ Փաշինյանը պոպուլիզմով է զբաղված, հեծանիվ է քշում, TikTok է մտել, որպեսզի ուշադրության կենտրոնում մնա։