«Ապօրինի գաղտնալսման հետ կապված հաղորդում ենք ներկայացրել». Արծվիկ Մինասյան

ԱԺ «Հայաստան» խմբակցության պատգամավոր Արծվիկ Մինասյանը դատարանի բակում պատասխանելով լրագրողի հարցին, այն է՝ «հայտարարել էիք, որ ապօրինի գաղտնալսման ու հրապարակման վերաբերյալ բողոքելու եք, անգամ գնալու եք մինչև Եվրոպական դատարան, ի՞նչ քայլեր եք ձեռնարկել», պատասխանել է. «Հաղորդում է ներկայացված: Այս պահի դրությամբ դեռևս չկա որևէ արձագանք, ավելին՝ իշխանություններն էլ չեն թաքցնում, որ իրենք դիմում են նման այլանդակ մեթոդների, և, քանի որ իրենց գործողություններն ապօրինի են, փորձում են անընդհատ ձգձգել: Բազմաթիվ այլ դրվագներով տարբեր հաղորդումներ ևս ներկայացված են, բայց նիկոլական դատախազությունն առայժմ լռում է... Հանգիստ չենք թողնելու իրենց, անընդհատ խեղդելու ենք իրավական գործիքակազմով՝ մինչև այս մարդկանց բերենք իրավական, քրիստոնեական համակարգ»: