«Զախարովան հիշեցնում է՝ Հայաստանի պաշտպանունակության բարձրացումը պատերազմական ռիսկեր է ստեղծում»․ Հայկ Հովյան

Գրող Հայկ Հովյանի ֆեյսբուքյան գրառումը․ «Զախարովան մեկ անգամ ևս հիշեցնում է, որ Հայաստանի պաշտպանունակության բարձրացումը, տարածաշրջանում պատերազմական ռիսկեր է ստեղծում (էս անգամ ԵՄ հատկացվելիք 10 մլն մասով, որ տրվում է օրինակ՝ ճգնաժամերի ժամանակ քաղաքացիականներին օգնության նպատակով):
Հիմա էն «ստրատեգիկ մտածողությամբ» պարոնայք, որ առավոտից երեկո եթերներում խոսում են, թե Հայաստանը պետք է ավելացնի բալանսը դեպի Ռուսաստան և բարձրացնի իր պաշտպանունակությունը՝ դառնալով մացառախոզ, պետք է պատասխանեն հարցին... Ո՞նց ենք միաժամանակ բարձրացնում մեր պաշտպանունակությունը և խորացնում սերտացումը Մոսկվայի հետ, եթե ռուս պաշտոնյաներն են իրենց բերանով անընդհատ կրկնում, որ էտ երկուսը հակադիր են իրար:
Ո՞նց.... էլ ո՞նց ռուսները ավելի հստակ հայտարարեն, որ «մացառախոզ» ու պաշտպանունակ Հայաստանը տարածաշրջանում խնդիր ա...
Անգամ Զախարովան ա ավելի ազնիվ, քան ընդդիմության ստրատեգիկ թևը....
Հ.Գ. Եթե պիտի գաք գրեք՝ դե պիտի Ռուսաստանի միջոցով բարձրացնենք պաշտպանունակությունը, հիշեցնեմ, որ ռուս պաշտոնյաներն են ասում՝ զենք-մենք չունենք, սիկտիր եղեք...
Հ.Գ. ազնվությամբ եմ ասում, էս աստիճանի անվերապահ «քաղաքական ռուս» քաղաքական թև՝ Հայաստանի 33-ամյա պատմության մեջ գոյություն չի ունեցել...»։