Երեքշաբթի, 10 սեպտեմբերի, 2024 թ.
|
Ստեփանակերտում`   +21 °C

«Առաջարկում եմ հետևություններն անել ինքնուրույն»․ Գարեգին Խումարյան

«Առաջարկում եմ հետևություններն անել ինքնուրույն»․ Գարեգին Խումարյան
143
Հինգշաբթի, 08 օգոստոսի, 2024 թ., 20:36

Հանրային ռադիոյի նախկին տնօրեն Գարեգին Խումարյանը տեսանյութեր է տարածել իր էջում՝ մասնավորապես գրելով հետևյալը. «Տիկնայք և պարոնայք, իրիկնային ուշագրավ զբաղմունք եմ ձեզ առաջարկում: Երկու հարցազրույց է դրված: Մեկը՝ Հանրային հեռարձակողի խորհրդի նախագահ Արա Շիրինյանինը, որ Հանրային ռադիոյի տնօրենի վիճահարույց ընտրություններից հետո տվել է Սիվիլնեթի տաղավարում, և իմը, որ նույն թեմայով տվել էի նույն տաղավարում այդ ընտրություններից առաջ: Երկուսն էլ արժի 2X-ի տակ դիտել:
Ինչո՞ւ է սա կարևոր:
Պարզ այս վարժությունը առավելագույնս պատկերավոր է ցուցադրում անդունդը հանրային հեռարձակման արժեքների և բնույթի վերաբերյալ մեր պատկերացումների միջև, ու երբ ասում եմ, որ այս դիմակայությունը անձերի մասին չէ, այլ սկզբունքների և արժեքների, հենց սա նկատի ունեմ: Չեմ մեկնաբանում, չեմ գնահատում: Առաջարկում եմ հետևություններն անել ինքնուրույն»։

Աղբյուրը`   Գարեգին Խումարյան