Եմենի ռազմաօդային ուժերը հարվածներ են հասցրել հուսիթների կողմից վերահսկվող տարածքներին

Եմենի միջազգայնորեն ճանաչված կառավարության ռազմաօդային ուժերը հարվածներ են հասցնում Կարմիր ծովի արևմտյան ափին և Բաբ էլ-Մանդեբ նեղուցի մոտակայքում գտնվող հուսիթ ապստամբների կողմից գրավված տարածքներին, ասվում է Թաիզ նահանգի կառավարության տեղեկատվական կենտրոնի Х սոցիալական ցանցում տարածված հայտարարության մեջ։

«Մարտական ​​ինքնաթիռները հարվածել են զենք, զինամթերք, հրթիռներ և ռազմական տեխնիկա տեղափոխող տասնյակ բեռնատարների Թաիզից հյուսիս գտնվող Աս-Սիթին փողոցում: Շարասյունը շարժվում էր Ալ-Մոխայից դեպի Սանաա», - ասվում է հայտարարության մեջ: