ՌԴ ԱԳՆ-ն արձագանքել է ԲՐԻՔՍ-ին միանալու` Ադրբեջանի ցանկությանը

ԲՐԻՔՍ-ի դռները փակ չեն, և ասոցիացիան նպատակ ունի ամրապնդել կապերը համաշխարհային մեծամասնության ներկայացուցիչների հետ, ճեպազրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան։ Պատասխանելով NEWS.ru-ի հարցին՝ դիվանագետն ասել է, որ Մոսկվան էլ նույն դիրքորոշումն ունի, և որ Ադրբեջանը որոշել է կազմակերպությանն անդամակցելու հայտ ներկայացնել։

«Մինչ օրս ավելի քան 30 պետություններ հետաքրքրություն են ցուցաբերել ԲՐԻՔՍ-ի հետ համակարգային փոխգործակցության կառուցման հարցում»,- հավելել է Զախարովան։

Դիվանագետի խոսքով, հանրայնացված հայտարարությունը վերաբերում է ոչ միայն Ռուսաստանի դիրքորոշմանը, այլև «ԲՐԻՔՍ-ի ողջ ընտանիքին»։

Ավելի վաղ Պետդումայի միջազգային հարաբերությունների հանձնաժողովի նախագահ Լեոնիդ Սլուցկին ասել էր, որ բոլոր կողմերը կշահեն ԲՐԻՔՍ-ին Ադրբեջանի անդամակցությունից։