Թիմ Ուոլցը պաշտոնապես հաստատվել է որպես ԱՄՆ փոխնախագահի թեկնածու

Մինեսոտայի նահանգապետ Թիմ Ուոլցը պաշտոնապես հաստատվել է որպես Դեմոկրատական կուսակցությունից ԱՄՆ փոխնախագահի թեկնածու, հայտնում է Bloomberg-ը։

«Ինձ համար մեծ պատիվ է ԱՄՆ փոխնախագահի պաշտոնում առաջադրվելը։ Մենք բոլորս այսօր այստեղ ենք հավաքվել մի գեղեցիկ, պարզ պատճառով: Մենք սիրում ենք այս երկիրը»,- Դեմոկրատական կուսակցության համագումարի ժամանակ ասել է Ուոլցը։

Ուոլցը ծնվել և մեծացել է Նեբրասկա նահանգում։ Դպրոցն ավարտելուց հետո 17-ամյա երիտասարդն ընդունվել է ԱՄՆ Ազգային գվարդիա, որտեղ ծառայել է 24 տարի։ Ուկրաինա Ռուսաստանի լայնածավալ ներխուժումից երկու շաբաթ անց՝ 2022թ․ մարտի 6-ին, նա Մինեսոտայում հայտարարեց Ուկրաինայի հետ համերաշխության օր։