«Վահագն Խաչատուրյանը 2022-ին վարձատրություն է ստացել Շուշիի տեխնոլոգիական համալսարանից»․ Էդգար Ղազարյան

227

Չորեքշաբթի, 04 սեպտեմբերի, 2024 թ., 15:54

«Հետաքրքիր բան կա Վահագն Խաչատուրյանի գույքի եկամուտների 2022թ․ հայտարարագրում։ Նշված է, որ նա 2022-ին վարձատրություն է ստացել Շուշիի տեխնոլոգիական համալսարանից»,- «Հայելի» ակումբում ասուլիսի ժամանակ ասել է հասարակական-քաղաքական գործիչ Էդգար Ղազարյանը։ «Շուշին անկում է ապրել 2020թ․ նոյեմբերի 6-ին, նոյեմբերի 9-ին կնքվել է կապիտուլյացիոն հայտարարությունը, բայց դրանից 2 տարի հետո Խաչատուրյանը վարձատրություն է ստացել Շուշիի տեխնոլոգիական համալսարանից։ Միգուցե ինքը պարզաբանի, բայց ստացվում է, որ ադրբեջանական տիրապետության ժամանակ նա այցելել է Շուշի, դասավանդել է տեխնոլոգիական համալսարանում»,- նշել է Ղազարյանը։