«Ո՞վ պետք է քաղաքական գնահատական տա Ադրբեջանից հնչող ապատեղեկատվությանը»․ Տաթևիկ Հայրապետյան

Այսօր կրկին ՀՀ ՊՆ-ն հաղորդագրություն է տարածել՝ հերքելով Ադրբեջանի ՊՆ հաղորդագրությունը, թե իբր սեպտեմբերի 5-ին՝ ժամը 09։55-ի սահմաններում, ՀՀ ԶՈՒ ստորաբաժանումները կրակ են բացել սահմանագոտու արևելյան հատվածում տեղակայված ադրբեջանական դիրքերի ուղղությամբ։
Ադրբեջանագետ Տաթևիկ Հայրապետյանը թելեգրամյան իր ալիքում գրում է․ «Ադրբեջանի ՊՆ-ն վերջին մեկ օրվա ընթացքում արդեն երկրորդ ապատեղեկատվությունն է տարածում, թե իբր հայկական կողմը կրակ է բացել։ ՀՀ ՊՆ-ն էլ ժխտում է։
Բայց այս ամենի մասին պետք է լինի քաղաքական գնահատական՝ ՀՀ ԱԳՆ-ի կողմից։ Ուղղակի մի անհարմար պահ կա՝ այդ գերատեսչությունը անասնապահական խնդիրներ է լուծում այլևս․․․

Հիմա հարց, օգնեք հասկանալ՝ ո՞վ պետք է քաղաքական գնահատական տա Ադրբեջանից հնչող ապատեղեկատվությանը, երբ երկրի վարչապետի ուշք ու միտքը դմակով խաշլաման է, ԱԳՆ-ինը՝ անասնապահությունը, դե ԱԺ-ն էլ՝ ժողովորդական լեզվով ասած «կոնկուրսից դուրս է»՝ իրավիճակի վերաբերյալ իր անհամարժեքությամբ»։