«Սրանք ՍԴ այն դատավորներն են, որոնք կողմ են քվեարկել Հայաստանը թշնամուն հանձնելուն». Էդգար Ղազարյան

«Վահե Գրիգորյան, Արման Դիլանյան, Արթուր Վաղարշյան, Երվանդ Խունկարյան (անկախ արձակուրդ վերցնելու և այդ նիստից փախչելու հանգամանքից), Էդգար Շաթիրյան, Սեդա Սաֆարյան, Հովակիմ Հովակիմյան, Դավիթ Խաչատուրյան՝ սրանք ՍԴ այն դատավորներն են, որոնք, ամենայն հավանականությամբ, կողմ են քվեարկել Հայաստանը թշնամուն հանձնելու, Անկախության հռչակագրից հրաժարվելու, դրա արժեքը նսեմացնելու որոշմանը: Սա մի նպատակ ունի՝ Արցախն Ադրբեջանին հանձնելուց հետո Հայաստանը հանձնել Թուրքիային: Սա գոյաբանական պայքար է:

Ես չտվեցի Հրայր Թովմասյանի անունը մի բանի համար, որ հայտարարվել էր, որ նա ունի այդ որոշումից տարբերվող հատուկ կարծիք, որը կհրապարակվի առաջիկա օրերին: Կարելի է ենթադրել՝ միայն նա է դեմ եղել այս որոշմանը»,- հանրահավաքի բեմից հայտարարեց Էդգար Ղազարյանը: