«Դուք կատարելապես սխալ եք, ավելին՝ ոչինչ չեք հասկացել». Արարատ Միրզոյանը՝ լրագրողին

«Ինչո՞ւ է ամեն դեպքում գաղտնի պահվում փաստաթուղթը, համաձայնեցված և չհամաձայնեցված կետերը, որոնց մասին պարբերաբար ընդդիմությունը բարձրաձայնում է։ Նիկոլ Փաշինյանը 2018 թվականին ասում էր, որ ինչ-որ ստորագրելու լինի, կստորագրի հանրության առջև, բոլորը տեղյակ կլինեն»,- այսօր ԱԺ-ում ճեպազրույցի ընթացքում ԱԳ նախարար Արարատ Միրզոյանին լրագրողներից մեկն այս հարցն ուղղեց:

Ի պատասխան նախարարը նշեց, որ հնարավոր չէ բանակցությունների ընթացում դա հրապարակայնացնել. «Ո՞նց կարելի է հանրայնացնել բանակցությունների ընթացքը, դուք թյուր պատկերացում ունեք դիվանագիտության մասին»»։

Լրագրողն արձագանքեց․ «Ձեր պատկերացումների արդյունքում Արցախը հանձնվեց Ադրբեջանին»։

Միրզոյանն նշեց, որ հարցի փոխարեն ստանում է քաղաքական ելույթ, և լրագրողը «կատարելապես սխալ է, ավելին՝ ոչինչ չի հասկացել»։