«Խնդիրն այն մեսիջն է, որ փոխանցվում է Թուրքիային»․ Հայկ Մամիջանյան

«ՀՀ ԱԳ նախարարը ՀՀ ԱԺ-ի շենքում հայտարարում է, որ ցեղասպանության ճանաչման հարցը օրակարգային առաջնահերթություն չի։ Դրան կարող է հետևել ինչ ասես»,-ճեպազրույցի ժամանակ ասաց «Պատիվ ունեմ» խմբակցության ղեկավար Հայկ Մամիջանյանը՝ անդրադառնալով Արարատ Միրզոյանի այսօրվա հայտարարությանը։ Մամիջանյանը նշեց, որ մինչ այդ հայտարարությունն էլ իրենք ցեղասպանության ճանաչման հետ կապված ոչ մի բան չեն արել։ «Վերջին 6 տարում ցեղասպանության ճանաչման հետ կապված ինչ տեղի է ունեցել, տեղի է ունեցել Հայ Դատի, ազգային կուսակցությունների, անհատների աշխատանքի շնորհիվ։ Իրենք ոչ մի բան չէին էլ անում։ Ուղղակի հայտարարել, որ չեն էլ անելու, դա արդեն ցինիզմի գագաթնակետն է։ Դա մի նոտա չէ, արդեն երգ է։ Երգը կոչվում է թուրքական շվիի տակ պարել։ Խնդիրը էն մեսիջն է, որ փոխանցվում է Թուրքիային»,-ասաց Մամիջանյանը։