«Դատախազությունն աշխարհի ամենաապուշ հայտարարությունն է արել»․ Գեղամ Մանուկյան

«Հասարակության մեջ հարց է առաջանում՝ ինչպե՞ս կարող էր մարդը նախագահի աշխատավարձով միլիարդներ կուտակել, դատախազությունը հաղորդագրություն է տարածել»,- ՀՀ 2-րդ նախագահ Ռոբերտ Քոչարյանի գործով դատական նիստից առաջ լրագրողը հարց ուղղեց ԱԺ «Հայաստան» խմբակցության պատգամավոր Գեղամ Մանուկյանին։

«Դատախազությունն աշխարհի ամենաապուշ հայտարարությունն է արել։ Մի օրինակ ասեմ, դատախազությունը ներողություն խնդրե՞լ է, երբ Գագիկ Խաչատրյանին վերագրել է մեկուկես միլիարդ դոլար, հետո պարզվել է, որ դրամ է, բայց ներողություն չի խնդրել»,- ի պատասխան ասաց Մանուկյանը։ «Էդ դատախազությունն իմ աչքի առաջ է, ամեն օր անօրինականություն է անում, ամեն օր սուտ խոսում»,- շարունակեց ընդդիմադիր գործիչը։