«Օնլայն գնումներ կատարելիս ինչպե՞ս զերծ մնալ խաբեությունից». Սամվել Մարտիրոսյան

Մեդիափորձագետ Սամվել Մարտիրոսյանը նշում է, որ մոտենում են Սև Ուրբաթը, Կիբեր Երեքշաբթին, Ամանորը, մարդիկ օնլայն գնումներ են կատարելու, գովազդներ են հայտնվելու՝ «թույն» առաջարկներով, որոնց մի մասը կեղծիք է լինելու: Մեդիափորձագետը թվում է քայլեր, որոնք կարող են զերծ պահել խաբեությունից. «Օգտվեք վճարային համակարգերից, որտեղ ձեր քարտը չի երևում, օրինակ՝ PayPal-ից: Այնտեղ բողոքարկելու մեծ հնարավորություններ կան: Բայց կան նաև կեղծ կայքեր, որոնց վրա PayPal չի լինում:

Ամենալավ տարբերակը՝ ունենալ իզոլացված վիրտուալ մի քարտ՝ օնլայն գնումների համար: Գնումները կատարում եք այդ քարտից, ոչ թե աշխատավարձի քարտից: Քարտի վրա գումար չեք պահում:

Կան խանութներ, որոնք ներկայանում են որպես հայտնի բրենդներ: Անունն ու հասցեն google-ով փնտրեք և համեմատեք:

Եթե ապրանքը 5-20 անգամ զեղչված է, ապա այդ կարգը արժե ստուգել, թե ինչքան ժամանակ առաջ է կայքի հասցեն գրանցված եղել՝ whois.com, scamadvizer.com կայքերով:

Ավելի լավ ա օգտվեք վստահելի խանութներից, մի տրվեք գովազդներին»: