«Փաշինյանին պարզապես ասել են՝ դու այդ փաստաթուղթը ստորագրել ես»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Նախկինում ասել ու հիմա էլ ասում եմ՝ նոյեմբերի 9-ին Նիկոլ Փաշինյանը չի ստորագրել այդ եռակողմ հայտարարությունը։ Որտե՞ղ է Նիկոլ Փաշինյանն այն ստորագրել, որտե՞ղ են գտնվում այդ փաստաթղթի բնօրինակները, որոնք պետք է 3 հատ լինեն։ Նիկոլ Փաշինյանը նոյեմբերի 9-ին այն վիճակում չի գտնվել, որ կարողանար փաստաթղթի բովանդակությանը ծանոթանալ ու ստորագրեր։ Նրան պարզապես ասել են՝ դու այդ փաստաթուղթը ստորագրել ես։

Հիշո՞ւմ եք Նիկոլ Փաշինյանի հարբած ելույթը, երբ նա հաշվեհարդարով սպառնում էր, ասելով՝ եկել է քաղաքացու վրեժի ժամանակը։ Օդում կախված լուրերի համաձայն՝ ռուսները նրան օդանավով Սոչի են տարել, մի քանի օրում ուշքի բերել։ Հետո ընդդիմություն կոչվածներին հրահանգ են տվել՝ ժողովրդին խաղաղեցնել, սուտ միտինգներ անել, Երևանում մի քանի րոպեով ճանապարհ փակել-բացել, որպեսզի 2021թ․ հունիսի 20-ի ԱԺ ընտրություններով նախկիններ-հեղափոխականներ խաղացնելով՝ քաղաքականապես վերակենդանացնել, վերընտրել Նիկոլ Փաշինյանին։ Հայաստանի ու հայ ազգի գլխին այդ խաղը հիմա էլ շարունակվում է»։