«Սահման ունե՞նք մենք պետական». Սասուն Միքայելյան

«Մենք ինչի՞ համար ենք 2020 թվականից մեր ծառայությունը տանում մինչև էսօր, որ վերջնականապես գնանք սահմանազատման: Օրինակ ես չգիտեմ, դուք գիտե՞ք՝ կա՞ պետություն, որ առանց պետական սահմանների անկախ ա՝ միջազգայնորեն ճանաչված: Մենք ասում ենք՝ անկախ ենք, կա՞ օրինական պետական սահման՝ միջազգայնորեն ճանաչված»,- լրագրողների հետ զրույցում ասել է ԵԿՄ վարչության նախագահ Սասուն Միքայելյանը: Հարցին՝ այդ դեպքում ՀՀ 29 743 քառ. կմ-ով ինչպե՞ս են ճանաչում, նշել է. «Էտի պտի ճանաչենք, հաստատվի: Մենք հիմա ասում ենք՝ արդեն 35 տարի անկախ ենք, չէ՞, ունեցե՞լ ենք պետական սահման»: Լրագրողի հարցին՝ միջազգային մարմինների հետ ինչպե՞ս ենք համագործակցել, նշել է. «Ուրիշ պետությունն ինչ թելադրել է, արել ենք»: Դիտարկմանը՝ աշխարհը ճանաչում է ՀՀ-ն՝ որպես անկախ պետություն, ասել է. «Սահման ունե՞նք պետական: Մենք կանգնած ենք էնտեղ, որտեղ սահմանազատում պետք է լինի: Կարենանք պահենք, որ սահմանազատման գնանք»: