Երգչուհի Շերը հայտարարել է կարիերան ավարտելու մասին

Համաշխարհային աստղ, հայազգի Շերլին Սարգսյանը՝ Շերը, ավելի քան 60 տարի շոու բիզնեսում գործունեություն ծավալելուց հետո, որոշել է անցնել վաստակած հանգստի․ նոր ալբոմը, հավանաբար, վերջինը կլինի նրա կարիերայում ու կթողարկվի ծննդյան 80-ամյակի կապակցությամբ։
Շերը ծնվել է 1946 թվականի մայիսի 20-ին՝ Քալիֆորնիա նահանգի Էլ Սենտրո քաղաքում։ Կարիերան սկսել է 1960-ականներին։ «Գրեմմի»-ի, «Օսկար»-ի, «Ոսկե գլոբուս»-ի դափնեկիր 78-ամյա երգչուհին ասել է, որ կարիերան ավարտելու որոշումը կապված է բացառապես իր տարիքի հետ։