«Դեպի Ծիծեռնակաբերդ բարձրացող ճանապարհն ունի հետաքրքիր առանձնահատկություն». Մեսրոպ Առաքելյան

«Ապրելու երկիր» կուսակցության համահիմնադիր Մեսրոպ Առաքելյանը գրել է․ «Դեպի Ծիծեռնակաբերդ բարձրացող ճանապարհն ունի հետաքրքիր առանձնահատկություն, ինչի մասին քչերը գիտեն։
Ճանապարհի վերջին հատվածում թեքվում ես 90 աստիճան՝ դեպի հուշահամալիր, երբ այդ հատվածը կարելի էր նաև ուղիղ կառուցել։
Իրականում այդ հատվածի նման նախագծելը ունի ոչ թե ճարտարապետական կամ շինարարական առանձնահատկություն, այլ՝ ազգային։
Թեքվելուց հետո նայում ես դեպի Արևմտյան Հայաստան՝ Արարատ, հետո նորից թեքվում դեպի հուշահամալիր»։