«Օսմանյան կայսրությունը պարտվեց, որովհետև վարում էր այսօրվա Թուրքիայի քաղաքականությունը». Կարեն Հովհաննիսյան

Բազմաթիվ անգամ թե՛ այս տիրույթում, թե՛ հարցազրույցներում, թե՛ սեմինարներում ասել եմ, որ այսօրվա Թուրքիան Էրդողանի դեմքով գնում է Օսմանյան կայսրության սահմանները վերականգնելու ճանապարհով։ Քանի դեռ Թուրքիայից ուղիղ նման հայտարարություն չկար, անգամ հայ որոշ փորձագիտական, վերլուծական շրջանակներ իմ այս պնդմանը, մեղմ ասած, հակադարձում էին իրենց սոցցանցային տիրույթում բառակույտային գրառումներով։ Հիմա այլևս Էրդողանի բացահայտ հայտարարությունը ավելի պարզություն է մտցնում նրա պլանների մեջ։ Հենց այստեղ էլ պետք է ասեմ, որ Էրդողանը բավականին հեռու է գնացել։ Օսմանյան կայսրությունը պարտության մատնվեց հենց նրա համար, որ վարում էր այսօրվա Թուրքիայի քաղաքականության նման քաղաքականություն։ Եթե այն ժամանակ որոշ խաղացողներ թույլ չտվեցին, որ ստեղծվեն ավելի շատ պետություններ Օսմանյան կայսրության տարածքների հաշվին, ապա հիմա, եթե շարունակի այս նույն քաղաքանակությունը Էրդողանը, այդ պետությունները ստեղծվելու են ներկայիս Թուրքիայի տարածքների հաշվին»։