«Սա Հայաստանի վերջն է, մենք դառնալու ենք Թուրքիայի անկլավ»․ Արթուր Խաչիկյան
![]() 356 Ուրբաթ, 08 օգոստոսի, 2025 թ., 19:42 «Հայտնի է, որ ԱՄՆ-ում ստորագրվելու է երեք փաստաթուղթ, ամենակարևորը վերաբերում է Սյունիքի ճանապարհին, որով բացառիկ իրավունք է տրվելու ԱՄՆ-ին՝ այդ ճանապարհի վերհսկողությունն իրականացնելու համար։ Սա ապաշրջափակո՞ւմ է, թե՞ նշանակում է, որ ՀՀ-ի կողմից զիջում է կատարվում»,- «Նյուզ»-ի հետ զրույցում անդրադառնալով այս հարցին՝ քաղաքագիտության դոկտոր Արթուր Խաչիկյանը նշեց․ «Իսկ ԱՄՆ-ն երաշխավորո՞ւմ է ՀՀ ինքնիշխանությունը, երաշխավորո՞ւմ է, որ ստորագրում են ՀՀ տարածքի անձեռնմխելիության մասին, անվտանգության երաշխիքներ տալի՞ս են։ Եթե ԱՄՆ-ն ասի, որ երաշխավորում է ՀՀ տարածքների անվտանգությունը, պատաստ է պաշտպանել ՀՀ-ին, գոնե անել մի տոկոսը այն ամենի, ինչ արեցին Ուկրաինայի կամ Իսրայելի համար, կարելի էր այդ մասին խոսել, բայց այդպիսի բան չկա։ Միջանցքը, որ բացվելու է 99 տարով, դա նշանակում է ընդմիշտ։ Եթե միջանցքի վերահսկողության պայմանագիրը կնքվեր ԱՄՆ ընկերության և ՀՀ-ի միջև, դա այդքան էլ սարսափելի չէր լինի, բայց սա եռակողմ է լինելու, այս ընկերությունը ենթարկվելու է նաև Ադրբեջանին։ Այսինքն՝ մենք կորցրեցինք սա։ 99 տարին նշանակում է ընդմիշտ։ Մենք Մեղրին կտեսնենք, երբ որ Վանը, Մուշը, Էրզրումն ու Ստեփանակերտը կտեսնենք։ Եվ դա նշանակում է, որ շատ շուտով դա ընկնելու է թուրքերի ձեռքը․․․ Այս իշխանությունն ամեն ինչ զիջելու է․ մի բան կա՞, որ Ալիևն ասել է զիջեք, ու չեն զիջել, ո՛չ։ Սա նշանակում է Սյունիքի կորուստ, սա նշանակում է Թուրքիայի և Ադրբեջանի ձուլում․․․ Ինչպես Ստեփանակերտն էին շրջափակել, նույն վիճակում Երևանն է լինելու։ Եվ նշանակում է, որ այլևս սահման չենք ունենալու Իրանի հետ, որևէ ռազմական օգնություն չենք ստանալու Իրանից, ոչ էլ ՌԴ-ից․․․ Սա Հայաստանի վերջն է, մենք դառնալու ենք Թուրքիայի անկլավ․ Ալիևն ու Էրդողանն են որոշելու՝ երբ ենք ուտելիք ստանալու, երբ ենք գազ ստանալու, շուտով ատոմակայանն էլ կփակեն, հաջորդը Հայաստանից ռուսական զորքերը դուրս կբերվեն, և մենք կմնանք անզեն՝ թուրքերի դիմաց»,- ընդգծել է Խաչիկյանը։ |
«Հրատապ իշխանափոխության դեպքում Ադրբեջանը Սյունիքով ճանապարհ չի ստանա»․ «ՀայաՔվե»
1803:06«Ադրբեջանը ոչնչի դիմաց ստանում է այլընտրանքային ճանապարհ․ սա մեր դիվանագիտության ֆիասկոն է»․ Գարեգին Պետրոսյան
3102:06«Զգալով հանրային դժգոհությունը՝ «կտեր» է նետում հրապարակ»․ Գեղամ Մանուկյան (տեսանյութ)
5901:42«Ադրբեջանը ձգտում է Նախիջևանի նման մինչև վերջին քարը ոչնչացնել և փակել Արցախի էջը»․ Արա Պողոսյան (տեսանյութ)
5400:30«Չինաստանում Պուտինը հանդիպումներ կունենա Էրդողանի, Փեզեշքիանի, հնարավոր է՝ Կիմ Չեն Ընի հետ». Ուշակով
7600:17«Ընդդիմության պարտավորությունն է ստախոս մանիպուլյատորներին միշտ պահել լուսարձակի լույսի ներքո»․ Լևոն Զուրաբյան
49Երեկ, 23:58Իսրայելցի նախարարը Թուրքիան համեմատել է ՀԱՄԱՍ-ի հետ
105Երեկ, 23:45«Սա է ՀՀ ղեկավարի առաջարկը՝ զբոսաշրջիկ հայրենիքում»․ Հրանտ Մելիք-Շահնազարյան
52Երեկ, 23:21