Ուրբաթ, 08 օգոստոսի, 2025 թ.
|
Ստեփանակերտում`   +23 °C

Դատարանն ապօրինի է ճանաչել Նարեկ և Լիլիթ Կարապետյանների բնակարաններում կատարված խուզարկությունները

Դատարանն ապօրինի է ճանաչել Նարեկ և Լիլիթ Կարապետյանների բնակարաններում կատարված խուզարկությունները
132
Այսօր, 20:12

Փաստաբան Արմեն Ֆերոյանը ֆեյսբուքյան իր էջում գրում է․ «Վերաքննիչ քրեական դատարանի որոշմամբ ապօրինի է ճանաչվել Նարեկ և Լիլիթ Կարապետյանների բնակարաններում կատարված խուզարկությունները.
2025 թվականի օգոստոսի 8-ին Նարեկ և Լիլիթ Կարապետյանների բնակարաններում խուզարկություն կատարելու թույլտվություն տալու վերաբերյալ առաջին ատյանի դատարանի դատավորներ Դավիթ Արղամանյանի և Մասիս Մելքոնյանի կայացրած որոշումների դեմ ներկայացված հատուկ վերանայման բողոքները բավարարվել են և այդ դատավորների կայացրած դատական ակտերը բեկանվել են:
ՀՀ վերաքննիչ քրեական դատարանի դատավորներ Վազգեն Ռշտունին և Արմեն Բեկթաշյանն ըստ էության փաստել են, որ տվյալ որոշումներով խախտվել են Նարեկ և Լիլիթ Կարապետյանների իրավունքները։
Այսպիսով, վերաքննիչ դատարանը հաստատել է, որ նշված բնակարաններում կատարված խուզարկություններն եղել են ակնհայտ ապօրինի։
Հորդորում ենք պատկան մարմիններին հետագայում զերծ մնալ որևէ ապօրինի գործողությունից»։

Նշենք, որ Նարեկ Կարապետյանը «Տաշիր» ընկերությունների խմբի փոխնախագահն է, Լիլիթ Կարապետյանը՝ նրա քույրը։

Աղբյուրը`   Արմեն Ֆերոյան