«Ցածր աշխատավարձի պատճառով Տավուշում ուսուցիչների բազում թափուր տեղեր կան»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Ցածր աշխատավարձի պատճառով Տավուշում ուսուցիչների բազում թափուր տեղեր կան:

Տավուշի մարզպետարանը հայտարարություն է տարածել Դիլիջան համայնքի Հովք գյուղի «Հովքի միջնակարգ դպրոց» ՊՈԱԿ-ի դասվարի (19 դասաժամ), հայոց լեզվի և գրականության (6 դասաժամ), ռուսաց լեզվի (10 դասաժամ), տեխնոլոգիայի (4 դասաժամ), կերպարվեստի (2 դասաժամ), ինֆորմատիկայի, թվային գրագիտության և համակարգչային գիտության (10 դասաժամ) ուսուցչի թափուր տեղերի համար։ Մրցույթը տեղի կունենա վաղը՝ դեկտեմբերի 25-ին, ժամը 12:00-ին, Հովքի միջնակարգ դպրոցում։

Տավուշի մարզպետարանն ինչո՞ւ ուսումնական տարվա սկզբին չի լուծել Հովքի դպրոցում ուսուցիչների թափուր տեղերը զբաղեցնելու խնդիրը, որ ուսումնական տարվա կեսին է մրցույթ է անցկացնում։

Այս տարվա հոկտեմբերին Տավուշի մարզպետարանը մրցույթ է հայտարարել Իջևանի համայնքի Բերքաբեր գյուղի «Բերքաբերի միջնակարգ դպրոց» ՊՈԱԿ-ի հայոց լեզու և գրականություն (15 դասաժամ), մաթեմատիկա (11 դասաժամ), ռուսաց լեզու ( 21 դասաժամ), կերպարվեստ (6 դասաժամ) ուսուցչի թափուր տեղերի համար։

Մանկավարժների ցածր աշխատավարձի պատճառով Տավուշի մարզի հանրակրթական դպրոցներում ուսուցիչների բազում թափուր տեղեր կան»։