Արմավիրում բախվել են Nissan-ը և «ԶԻԼ»-ը. երիտասարդ վարորդը մահացել է

361

Կիրակի, 05 հունվարի, 2025 թ., 23:06

Այսօր՝ հունվարի 5-ին, խոշոր ավտովթար է տեղի ունեցել Արմավիրի մարզում։ Ժամը 21:00-ի սահմաններում Երևան-Արմավիր ավտոճանապարհի Էջմիածնի կամրջի հարևանությամբ բախվել են Nissan Altima և «ԶԻԼ 130» մակնիշի ավտոմեքենաները։
Վթարի հետևանքով 1 հոգի տեղափոխվել է «Վաղարշապատ» բժշկական կենտրոն։
Ֆոտոլրագրող Գագիկ Շամշյանի տեղեկություններով՝ վիրավորը Nissan»-ի վարորդն է՝ Արմավիրի մարզի բնակիչ 30-ամյա Կարեն Շուշանյանը։
Ավելի ուշ հիվանդանոցից ահազանգ է ստացվել, որ վիրավորը, գիտակցության չգալով, մահացել է։