Ֆիդանը չի բացառել Սիրիայում քրդերի դեմ ռազմական գործողությունը. #CNNTürk

Թուրքիան ստիպված կլինի Սիրիայում ռազմական գործողություն իրականացնել երկրում գործող քրդական զինված ուժերի դեմ, եթե պայմանները չկատարվեն, CNN Türk-ի եթերում հայտարարել է Թուրքիայի արտգործնախարար Հաքան Ֆիդանը։

«Եթե չարվի այն, ինչ ակնկալվում է «Քրդստանի աշխատավորական կուսակցություն» կազմակերպությունից, կարվի այն, ինչ անհրաժեշտ է։ Անհրաժեշտը ռազմական գործողությունն է»,- ասել է նա։

Պահանջների թվում Ֆիդանը նշել է «օտարերկրյա ահաբեկիչների դուրսբերումը Սիրիայի տարածքից», իսկ շարժման մնացած անդամները պետք է «վայր դնեն զենքերը և աշխատեն նոր վարչակազմի հետ»։