Կրիմինալ աշխարհը խանդավառված է կին բանտապետի նշանակմամբ. «Ժողովուրդ»

«Ժողովուրդ» օրաթերթը գրում է. «Երբ Նիկոլ Փաշինյանը հայտարարեց, որ ԱՆ քրեակատարողական ծառայության պետ է նշանակելու Ծովինար Թադևոսյանին, խիստ խռովություններ սկսվեցին քրեակատարողական ծառայությունում։
«Ժողովուրդ» օրաթերթին հասած լուրերի համաձայն՝ Նիկոլ Փաշինյանի որոշումից զարմացել է ողջ Ծառայությունը, ու կարծիք են հայտնել, որ կին բանտապետի նշանակումից խանդավառված է հատկապես կրիմինալ աշխարհը և կկարողանա շունչ քաշել, իսկ քրեակատարողական ծառայությունը պետք է կարողանա դիմակայել հանցավոր աշխարհին։ Ավելին՝ չի բացառվում, որ արդարադատության նախարար Սրբուհի Գալյանը իր ընկերուհի Ծովինար Թադևոսյանի թեթև ձեռքով ազատվի ոչ ցանկալի նախկին պետից մնացած տեղակալներից։
Նկատենք, որ Ծովինար Թադևոսյանը, մինչ այս պաշտոնը զբաղեցնելը, եղել է քրեակատարողական ծառայության Սոցիալական, հոգեբանական և իրավական աշխատանքների բաժնի պետ»:

Մանրամասները՝ թերթի համարում: