Հինգշաբթի, 01 հունվարի, 2026 թ.
|
Ստեփանակերտում`   +4 °C

«Հորդորում եմ ՀՀ վարչապետին չանել հայտարարություններ, որոնք խարխլում են մեր երկրի միջազգային դիրքերը»․ Տիգրան Խզմալյան

«Հորդորում եմ ՀՀ վարչապետին չանել հայտարարություններ, որոնք խարխլում են մեր երկրի միջազգային դիրքերը»․ Տիգրան Խզմալյան
218
Ուրբաթ, 10 հունվարի, 2025 թ., 03:18

Եվրոպական կուսակցության ղեկավար Տիգրան Խզմալյանի ֆեյսբուքյան գրառումը․ «ՀՀ վարչապետի պաշտոնական կայքում ցնցող աշխարհաքաղաքական և աշխարհագրական նորություններ հայտնաբերեցի։ Պարզվում է՝ «Արևմտյան Հայաստանն Արմավիրն է, Թալինն է, Մարալիկն է…»։ Wikipedia-ի «Արևմտյան Հայաստան» անգլալեզու հոդվածին կցված քարտեզում չկա ո՜չ Արմավիր, ո՜չ Մարալիկ, ո՜չ Թալին։ Փոխարենը կա Վանը, Կարինը, Տրաբզոնը… Եւ դա վավերացված է ԱՄՆ նախագահի պետական կնիքով և, ի դեպ, ԱՄՆ այդպես էլ առ այսօր չի ճանաչել Լոզանի պայմանագիրը, որով սահմանագծած է ժամանակակից Թուրքիան։ Քավ լիցի, ես չեմ առաջարկում տարածքային պահանջներ ներկայացնել Թուրքիային, ես պարզապես հորդորում եմ ՀՀ վարչապետին չանել հայտարարություններ, որոնք խարխլում են մեր երկրի միջազգային դիրքերը, աղավաղում են պատմությունը և վիրավորում են ազգային արժանապատվությունը»։

Աղբյուրը`   Տիգրան Խզմալյան