«Թալանը բազմապատկվել է, ուղղակի քողարկվում է հարկեր-տուրքերի անվան տակ»․ Սամսոն Գրիգորյան

Գործարար Սամսոն Գրիգորյանի ֆեյսբուքյան գրառումը․ «Երբ իշխանության ամենաբարձր պաշտոններ զբաղեցնող անդամները, նայելով ընտրողների աչքերին, ուղղակի ստում են, ստիպված պետք է ժամանակ տրամադրել և հանրությանը ներկայացնել, թե իրականում ո՞րն է այդ իշխանության նպատակը։
Ստորև՝ աղյուսակում, պարզագույն հաշվարկ եմ ներկայացրել, թե իրականում որքան է բարձրանում հարկը, օրինակ, առևտրային գործունեությամբ զբաղվող փոքր ու միջին բիզնեսի համար 33%)։
Կրկնում եմ՝ սա պարզագույն, պրիմիտիվ հաշվարկ է, այստեղ արտացոլված չեն մյուս բոլոր հարկերը, վարձավճարները, կոմունալները, աշխատավարձերը, լոգիստիկ ծախսերը և այլն։ Բաժանված չէ ըստ բիզնես ոլորտների՝ առևտրի մարժան միջինում 20%, ոսկեգործներ 1-5%, բենզինի արքաներ 50-100%(հումոր, բայց ո՞վ իմանա), և այլն։
Իսկ այն պնդմանը, թե սրանով պայքար է մղվում խոշոր բիզնեսի ստվերի դեմ, կպատասխանեմ հազարավոր օրինակներից ընդամենը մեկով.
օրինակ՝ ոսկյա զարդերի առևտրող զբաղվող տնտեսվարողները դեռ չունեն 100 տոկոսանոց ձեռքբերման փաստաթղթեր։ Ամենահեշտ կառավարելի ոլորտն է, որտեղ, թվում է թե, խոշորը պետք է ստիպողաբար փաստաթղթավորված վաճառեր իր ապրանքը մանրին, բայց... էլի բայց, էլի վերահսկող մարմիններն անզոր են այն մեկ-երկու խոշոր ոսկի ներկրողների դիմաց, և «ստիպված» մանրի հարկային բեռը ծանրացնելով են իբրև թե փորձում խոշորի ստվերը կրճատել։
Քաղաքացին անձերին չէր մերժել, թալանն էր մերժել։ Հիմա թալանը բազմապատկվել է, ուղղակի ստորաբար քողարկվում է պետական հարկերի, տուրքերի, տույժերի անվան տակ։
Ծիծաղելի է, պարոնա՛յք, խեղկատակություն է»։