«Հարկերի զեղչման պարագայում 150.5 դրամից սակագինը կարո՞ղ է իջնել մինչև 110 դրամ»․ Հրայր Կամենդատյան

Տնտեսագետ Հրայր Կամենդատյանի ֆեյսբուքյան գրառումը․ «Բաց նամակ՝ Երևանի ավագանու քպ խմբակցության ղեկավարին։
Ձեզ առաջարկում եմ հրապարակել մեկ ուղևորի մեկ անգամ մեկ ուղղությամբ տեղափոխման սակագինը։ Որպես հաջորդ հարց, որքա՞ն շահութաբերության նորմա է ձևավորվելու տրանսպորտային ենթակառուցվածքներում։ Այսինքն ձեր հիշատակած 150.5 դրամից որքա՞ն է կազմելու ԱԱՀ (ավելացված արժեքի հարկ) և շահութահարկը։ Ի՞նչ կարծիք ունեք ԱԱՀ և շահութահարկի հնարավոր այլ տոկոսադրույք կիրառելու նախաձեռնության մասին: Հիշատակված հարկերի զեղչման պարագայում 150.5 դրամից սակագինը կարո՞ղ է իջնել մինչև 110 դրամ: Պատասխանի դեպքում, առաջարկում եմ ներկայացնել միայն ֆինանսիստի կողմից կազմված հավաստի հաշվեկշռային տվյալներ։ Այսինքն, եթե, դիցուք, ենթադրենք բառերով սիրողական բնույթի պատասխանը դիտարկելու ենք, որպես մոլորեցնող հնարք»։