Թբիլիսիի շենքերից մեկում պայթյուն է տեղի ունեցել

Երեկ երեկոյան Թբիլիսիի Օրթաչալա թաղամասի բնակելի շենքերից մեկում տեղի ունեցած պայթյունի հետևանքով մեկ մարդ զոհվել է, չորսը՝ վիրավորվել։

Պայթյունը որոտացել է նախկին հյուրանոցում, որտեղ ապրում են Աբխազիայից ներքին տեղահանվածներ։

Տուժածների թվում կա մեկ երեխա, հայտնում է Առողջապահության նախարարությունը։

Պայթյունը տեղի է ունեցել չորրորդ հարկում, փլուզվել է շենքի պատի մի մասը։ Նախնական տվյալներով՝ պայթյունի պատճառը գազի արտահոսքն է եղել։