«Մեր քաղաքականության հիմքում պետք է լինեն ազգայինի վրա հիմնված մոդելները»․ Կարեն Հովհաննիսյան

Ռազմական փորձագետ Կարեն Հովհաննիսյանի ֆեյսբուքյան գրառումը․ «Մեր բոլոր տեսակի քաղաքականությունների հիմքում ոչ թե պետք է լինեն եվրոպական, ամերիկյան, ռուսական մոդելները, այլ հենց ազգայինի վրա հիմնված, հարմարեցված մոդելները։
Տնտեսական, քաղաքական, ֆինանսական, նույնիսկ ուսումնակրթական քաղաքականությունը պետք է հիմնված լինի մեր ազգի, մեր բնակության վայրի առանձնահատկությունների վրա։
Եթե ռուս-ուկրաինական պատերազմում երկու երկրների ռազմական արսենալներն իրենց լավ են դրսևորում, դա չի նշանակում, որ մեր տարածաշրջանում ևս կարող են իրենց լավ դրսևորել։ Այնտեղ հարթավայր, մեր մոտ՝ սար ու ձոր, բարդ կլիմայական պայմաններ․․․
Եթե Եվրոպայում և ԱՄՆ-ում բժշկական ապահավորագրությունը շատ լավ է աշխատում, դա ի շնորհիվ բարձր աշխատավարձերի, բարձր թոշակների, բարձր կրթաթոշակների, իսկ մեզ մոտ դեռ վաղ է խոսել բարձր աշխատավարձի (խնդրում եմ իրատես եղեք ու ամենասովորական հիմնարկները մտեք, աշխատավարձերի չափը տեսեք ) կենսաթոշակի, կրթաթոշակի մասին»։