«Ծրագրավորողները կհասկանան, թե ինչ մակարդակի զավեշտի մասին է խոսքը». Վահրամ Մարտիրոսյան

Գործարար Վահրամ Մարտիրոսյանի ֆեյսբուքյան գրառումը․ «Փոխքաղաքապետն ասում է՝ տոմսերի կարճ ժամանակային սահմանափակում ենք դրել, որովհետև հակառակ դեպքում ծրագիրը կկախի։ Ծրագրավորողները կհասկանան, թե ինչ մակարդակի զավեշտի մասին է խոսքը։
Բա խոսքով հեսա-հեսա աշխարհի թոփ ՏՏ երկրների շարքը մտնող երկրում ինչի՞ չի ստացվում պարզ՝ միջինից ցածր բարդության համակարգ ծրագրավորել։ Կարո՞ղ ա վիշապ խեղդելը հայրենի ՏՏ-ի մոտ միայն խոսքով ա լավ ստացվում։ Վերջերս էլ պաթոսի նոր ձև են գտել. ոչ հայաստանյան միջավայրում ստեղծված ընկերություններին ներկայացնում են՝ որպես հայկական, օրինակ՝ ServiceTitan-ը։ Բա վարչապետը գիտի՞, որ դուրս եք գալիս իրական Հայաստանի շրջանակներից։
Միջավայրը զարգանում է, երբ այդ միջավայրում առկա են լինում 2 գործոններ՝ Խնդիրների բարձրաձայնում և Կոնցեպտուալ միտք։ Հայրենի ՏՏ-ում ոչ առաջինը, ոչ էլ երկրորդը չկան, փոխարենը լիքը կենացային-մոտիվացիոն խոսք։
Վերջերս փակվեց Menu.am-ը, Yandex-ը հետևողականորեն փոխադրումների շուկայից դուրս է թողնում տեղի խաղացողներին։ Համոզված եմ, եթե դրսի բանկերից մտնեն հայկական շուկա, ապա բանկերն էլ են նույն վիճակի մեջ ընկնելու։ Բա մտածե՞լ եք, ինչու է այդպես։
Ինչ որ ասում եմ՝ մեզ էլ է վերաբերվում՝ Zangi-ին։ Տարիների տիտանական աշխատանք եմ տարել, որ լուծեմ միջավայրից եկող խնդիրներ, որոնք այլ միջավայրերում ուղղակի չկան։
Երկիրը գործով կառուցելու փոխարեն, երբ գերակայությունը տրվում է խոսքին, արդյունքն էլ այսպիսին է լինում»։