Ոստիկանները նստացույց իրականացնող քաղաքացուն աթոռով հեռացրեցին Կառավարության շենքի առջևից

Ոստիկանները գերիների վերադարձի պահանջով նստացույց իրականացնող քաղաքացուն աթոռով հեռացրեցին Կառավարության շենքի առջևից: Մինչ այդ նստացույց անողներին ասել էին, որ ազատեն Կառավարության շենքի տարածքը, քանի որ Վրաստանից պաշտոնյաներ են ժամանելու և պետական արարողակարգային միջոցառում է տեղի ունենալու (Աշխատանքային այցով Երևան է ժամանել Վրաստանի վարչապետ Իրակլի Կոբախիձեն): Բայց մասնակիցները չեն կատարել պահանջը՝ ասելով. «որտեղից ուզում են գան, մենք բողոք ունենք, ցույց ենք անում»:
Նախքան դա քաշքշուկ էր սկսվել ակցիայի մասնակիցների և ոստիկանների միջև, արդյունքում ակցիայի երեք մասնակից բերման է ենթարկվել, նրանց թվում նաև «Կամք» նախաձեռնության ղեկավար Վահագն Չախալյանը։