«Իսրայելցի փորձագետները քննադատում են Փաշինյանի՝ Հայոց ցեղասպանության մասին հայտարարությունները»․ Սերգեյ Մելքոնյան

Իսրայելցի փորձագետներն այս օրերին քննադատում են Նիկոլ Փաշինյանի՝ Հայոց ցեղասպանության մասին Շվեյցարիայում արած հայտարարությունները։ Այս մասին «168Ժամ»-ի հետ զրույցում հայտարարեց APRI-Հայաստան գիտահետազոտական կենտրոնի փորձագետ, պատմական գիտությունների թեկնածու, միջազգայնագետ, իսրայելագետ Սերգեյ Մելքոնյանը։

«Եվ սա այն դեպքում, երբ Իսրայելը պաշտոնապես չի ճանաչել Հայոց ցեղասպանությունը։ Հրեաների համար սա շատ նուրբ, զգայուն թեմա է, և նրանք կարծում են, որ Փաշինյանն իր այդ հայտարարություններով հատել է կարմիր գծերը․․․

Հայոց ցեղասպանության մասին թուրքական պաշտոնական դիսկուրսը որդեգրել են Հայաստանի պետական մարմիններն ու անձինք, որոնք կոչված են հանդես գալ Հայաստանի ու հայության շահերի դիրքերից՝ ՀՀ իշխանությունները»,- ընդգծեց Մելքոնյանը՝ հավելելով՝ երբ դու ասում ես, որ Հայոց ցեղասպանության հարցը պատրաստ ես քննարկել, արդեն իսկ դու այն դնում ես կասկածի տակ։