«Ինչքա՞ն կարելի է ապրել այդ սին հույսերով, որ ինչ-որ մի օր Թուրքիան ճանաչելու է Հայոց ցեղասպանությունը»․ Արսեն Թորոսյան

«Մեղադրում են, ասում են՝ արդյո՞ք Թուրքիայի ձեռքը չեք տալիս գործիք, որպեսզի չճանաչի Հայոց ցեղասպանությունը։ Իսկ Թուրքիան պատրաստվում էր ճանաչել Հայոց ցեղասպանությունը, մենք էլ չճանաչելու գործիք տվեցի՞նք»,- «Հանրային հեռուստաընկերությանը» տված հարցազրույցում այս մասին նշեց ՀՀ ԱԺ «Քաղաքացիական պայմանագիր» խմբակցության պատգամավոր Արսեն Թորոսյանը՝ անդրադառնալով Շվեյցարիայում՝ Հայոց ցեղասպանության հետ կապված վարչապետ Նիկոլ Փաշինյանի հայտարարության մեկնաբանություններին։

«Ինչքա՞ն կարելի է ապրել այդ սին հույսերով, անիրատեսական իղձերով, որ ինչ-որ մի օր Թուրքիան ճանաչելու է Հայոց ցեղասպանությունը կամ կատարելու է ռեպարացիաներ։ Եթե մենք դրա համար ենք ապրում ՀՀ-ում, կներեք, բայց ես համաձայն չեմ։ ՀՀ-ն իր քաղաքացիների, բարօրությունը, բարեկեցությունը անվտանգությունը և մնացած բոլոր ատրիբուտներն ապահովելու համար է և ոչ ավելի։ Եվ եթե մենք դնում ենք այլ նպատակներ ՀՀ-ի առաջ, ապա իմ ասած կարևոր ատրիբուտները դնում ենք կասկածի տակ․․․

Մենք պետք է դադարենք նայել մեր սահմաններից դուրս, պետք է կենտրոնանաք մեր երկրի վրա՝ միջազգայնորեն ճանաչված պետության վրա, մեր ունեցածի վրա։ Արարատի և Արագածի բանավեճը ևս դրա մասին է»,- ընդգծեց Թորոսյանը։