«Տավուշի մարզպետի աշխատակազմում առկա է 76 հաստիք». Ոսկան Սարգսյան

183

Երեքշաբթի, 04 փետրվարի, 2025 թ., 04:18

Լրագրող Ոսկան Սարգսյանի ֆեյսբուքյան գրառումը. «Տավուշի մարզպետարանը համապատասխան նախարարությունների՝ ԿԳՄՍ-ի և առողջապահության նախարարությունների հետ մարզի ընդամենը 2 ոլորտ է ղեկավարում՝ հանրակրթական դպրոցները և պետական բժշկական հիմնարկները։ Մարզպետարանի հաստիքացուցակը գերուռճացած է՝ մարզպետ, մարզպետի տեղակալներ, օգնականներ, մարզպետարանի աշխատակազմի գլխավոր քարտուղար, վարչությունների պետեր, բաժինների վարիչներ, գլխավոր, առաջատար մասնագետներ և այլոք: Մարզպետարանից տեղեկացել եմ, որ Տավուշի մարզպետի աշխատակազմում, ըստ հաստիքացուցակի, առկա է 76 հաստիք: 2025 թվականի հունվարի 22-ի դրությամբ մարզպետի աշխատակազմում առկա է 8 թափուր հաստիք: 13 միլիարդ դոլար արտաքին պարտք ունեցող ՀՀ-ն արտերկրից նոր վարկեր է վերցնում, որ անարդյունավետ աշխատող պետական պաշտոնյաներին, այդ թվում՝ Տավուշի մարզպետարանի աշխատակազմին, համեմատաբար բարձր աշխատավարձ ու մեծ պարգևավճարներ տա»:

Աղբյուրը` Ոսկան Սարգսյան