«Պատկան մարմինները մտնում են քաղաքացու գրպանը, այնտեղ փող են դնում և դուրս են գալիս». Վաղարշակ Հակոբյան

«Պետության կայացման համար երբեմն քայլեր կան, որ պետք է կատարվեն, գործիքակազմեր կան, որ պետք է ներդրվի: Ես մեր ընդդիմադիր գործընկերներին և քաղաքացիներին խնդրում եմ, որ այս կոնտեքստում դիտարկեն հայտարարագրման ինստիտուտի ներդրումը»,-Տարածաշրջանային և եվրասիական ինտեգրման հարցերի մշտական հանձնաժողովի նիստում ասել է ԱԺ ՔՊ-ական պատգամավոր Վաղարշակ Հակոբյանը: Պատգամավորի խոսքով՝ որոշ մարդիկ հայտարարագրումը ներկայացնում են՝ որպես քաղաքացու գրպան մտնել՝ հաշվի չառնելով, որ իրենք խոսում են 100 հազար դրամ յուրաքանչյուր քաղաքացու հետ տալու մասին՝ ինչ-որ գործողության արդյունքում: «Մենք՝ որպես պետություն, տեսնելու ենք, թե ֆինանսական շարժերն ինչ էֆեկտիվությամբ և ուր են գնում, որի արդյունքում ավել հարկեր են գոյանալու: Այս պրոցեսի արդյունքում կարող է մոտ 70 մլրդ դրամ հետ վերադարձվի մեր քաղաքացիներին»,-նշել է պատգամավորը՝ հավելելով. «Եթե ձեր որակմամբ սա քաղաքացիների գրպանը մտնել է, ապա պատկան մարմինները մտնում են այդ գրպանը, այնտեղ փող են դնում և դուրս են գալիս»: