«Մարդիկ կան՝ սիրում են խմել, ծխել, ես էլ նախընտրում եմ գեղեցիկ հագնվել». Վարդան Ղուկասյան

ԴՕԿ կուսակցության հիմնադիր Վարդան Ղուկասյանը, «Բացարձակ արժեք» հաղորդման շրջանակում անդրադառնալով իր վերնաշապիկների բազմազանությանն ու պատասխանելով հարցին՝ դուք ձեզ ճաշակով մարդ համարո՞ւմ եք, պատասխանել է. «Այո: Ես ինձ շատ ճաշակով մարդ եմ համարում: Երբ ծառայում էի ՌՈ-ում ու ամեն օր գնում էի աշխատանքի, կոլեգաներս ասում էին՝ էլի զուգվավ, զարդարվավ, եկավ: Անգամ երբ գնում էի զորամասեր՝ ստուգման, գրեթե միշտ եղել եմ քաղաքացիական հագուստով ու եղել են զինվորներ, որ հարցրել են՝ ձեր հագուստը որտեղի՞ց եք գնել, ասում էի՝ տղա՛ ջան, տարիուկես ունես, էս շորը քո ինչի՞ն է պետք: Ես միշտ նախընտրել եմ հագնվել ճաշակով: Հիմա չունեմ հնարավորություն՝ ցույց տալու իմ հանդերձարանը, չորս կողմը վերնաշապիկներ են, մայրս ասում է՝ ոնց որ մտնես թատրոնի հանդերձարան: Մարդիկ կան, սիրում են՝ խմել, ծխել, ուրիշ բաների վրա փողը ծախսել, ես էլ նախընտրում եմ գեղեցիկ հագուստ: Չեմ սիրում փողկապ: Երևի ես կլինեմ ՀՀ միակ ղեկավարը, որը չի կապի փողկապ»: