Երկուշաբթի, 30 մարտի, 2026 թ.
|
Ստեփանակերտում`   +9 °C

«Այդ ավել գումաները ո՛չ ՔՊ-ի որևէ անդամի են գնում, ո՛չ քաղաքապետին, ո՛չ վարչապետին»․ Հայկ Սարգսյան

«Այդ ավել գումաները ո՛չ ՔՊ-ի որևէ անդամի են գնում, ո՛չ քաղաքապետին, ո՛չ վարչապետին»․ Հայկ Սարգսյան
266
Չորեքշաբթի, 05 փետրվարի, 2025 թ., 18:48

«Ես տեսել եմ, որ քաղաքացիները բողոքում են հաճախ, որ ավտոբուսները ուշ-ուշ են գալիս, և մարդիկ ստիպված իրար գլխի վրա լցված են երթևեկում: Նաև սա է պատճառը, որ որոշում է կայացվել գները բարձրացնել»,- այս մասին ԱԺ-ում լրագրողների հետ զրույցում ասաց «Քաղաքացիական պայմանագիր» խմբակցության պատգամավոր Հայկ Սարգսյանը՝ անդրադառնալով հանրային տրանսպորտի ուղեվարձի թանկացմանը։

«Գիտեք, որ նախկին քաղաքապետը, իր մերձավոր շրջապատը, թաղապետերը, կամ քրեական տարրերը, «օրենքով գողերը», գեներալները ունեցել են երթուղայինի գծեր: Նրանք հավաքել են 100 դրամները, պատշաճ ծառայություն չեն մատուցել:

Հիմա իշխանությունն ասում է՝ կա՛մ պետք է մնա այն, ինչը կա, կա՛մ պետք է բոլորս գումար հավաքենք, առնենք լավ տրանսպորտ ու երթևեկենք դրանով: Այս պահին Երևանն ունի տրանսպորտային միջոցների պակաս և պետք է ձեռք բերի»,- նշեց Սարգսյանը՝ հավելելով՝ հիմա այդ ավել գումաները, որ հավաքագրվում են, ո՛չ ՔՊ-ի որևէ անդամի է գնում, ո՛չ քաղաքապետին, ո՛չ վարչապետին, ո՛չ էլ մեր թիմից որևէ մեկին:

«Այդ ավել գումաները ո՛չ ՔՊ-ի որևէ անդամի է գնում, ո՛չ քաղաքապետին, ո՛չ վարչապետին»․ Հայկ Սարգսյան