«Ձեր կինն էլ, որ ուրիշի տղամարդուն գրկած հասներ տուն, ձեզ համար դա կլիներ արժանապատիվ». ուղևորուհին` թանկացումից գոհ տղամարդուն

Համացանցում տարածվում է տեսանյութ, որում վիճաբանություն է ընթանում 15 համարի ավտոբուսի ուղևորների միջև: Կանայք մեղադրում են տղամարդ ուղևորներից մեկին, ով վիրավորական արտահայտություններ է թույլ տվել թանկացման բոյկոտի կոչ անող երիտասարդի հասցեին և պնդել, թե հիմա ինքն արժանապատիվ է երթևեկում:

«Առոք-փառոք նստած եք, դե կանգնեք, ուրիշների պես կանգնած գնացեք, տեսնեմ՝ էդպես կխոսե՞ք: Էդ երիտասարդի հարկերով եք թոշակ ստանում»,- ասում է կանգնած ուղևորուհիներից մեկը:

«Երրորդ ավտոբուսն է, որ կարողացել եմ նստել՝ այս ցրտին, ծանր իրերով կես ժամից ավելի կանգնել եմ կանգառում: Ձեր կինն էլ, որ ուրիշի տղամարդուն գրկած հասներ տուն, ձեզ համար դա կլիներ արժանապատիվ: Փոխանակ երիտասարդներին թևեր տաք, մի հատ էլ թևերն եք կտրում»,- հավելեց մեկ այլ ուղևորուհի: