«Շաքարախտով հիվանդ երեխաների հաշմանդամության խումբը հանում են 18 տարեկանը լրանալուց հետո». Անուշ Պողոսյան

«Առողջության իրավունք» ՀԿ համահիմնադիր, իրավապաշտպան Անուշ Պողոսյանի ֆեյսբուքյան գրառումը. «Շաքարախտով հիվանդ երեխաները, որոնք ունեն հաշմանդամություն,18 տարեկան դառնալիս նորից ուղարկում են փորձաքննության և հաշմանդամության խումբը հանում են, ասում են՝ գնացեք ապրեք, դուք պրակտիկ առողջ եք։ Այսինքն, այն երեխաները, որոնք տառապում են առաջին տիպի շաքարախտով, 18 տարեկանից դադարում են ստանալ անվճար բժշկական օգնություն, քանի որ չեն ունենում հաշմանդամություն։ Ստիպված ծնողները ընկնում են դատարանների դռները, որպեսզի վերականգնեն հաշմանդամությունը։
Հ.Գ. ՀՀ առողջապահության նախարարություն, ՀՀ աշխատանքի և սոցիալական հարցերի նախարարություն, շաքարախտը տարիքի հետ չի բուժվում, իսկ դուք ձեր քաղաքականությամբ խեղաթյուրում եք ճակատագրեր...»: