«Այնպես կազմակերպեիք «բարեփոխումները», որ մարդկանց համար լիներ, ոչ թե՝ ձեր»․ Ժաննա Ալեքսանյան

Իրավապաշտպան Ժաննա Ալեքսանյանի ֆեյսբուքյան գրառումը․ «Փաստորեն, Ավինյանը բոլորովին դեմ չէ բախումներ հրահրելու միջոցով քաղաքացիներից գումարները ստանալ։ Բազմաթիվ են տեսանյութերը, որտեղ վարորդները կամ քաղաքապետարանին վստահելի այլ անձինք մարդկանց հետ վեճի բռնվում, վիրավորում միմյանց և այլն։ Թույլ չեն տալիս մարդկանց ավտոբուս բարձրանալ, արտառոց է հաշմանամություն ունեցող տղամարդու դեպքը։ Սա ինչ վերաբերմունք է քաղաքացիների նկատմամբ, ինչո՞ւ եք այդպես թշնամացել մարդկանց նկատմամբ, ինչո՞ւ եք միայն բռնի մեթոդներով շփվում մարդկանց հետ, ինչո՞ւ եք մարդկանց դիտում միայն որպես փողի աղբյուր։ Այնպես կազմակերպեիք ձեր, այսպես կոչված բարեփոխումները, որ մարդկանց համար լիներ, ոչ թե միայն ձեր համար։ Մարդիկ իրավունք ունեն իրենց բողոքն արտահայտել ու պիտի արտահայտեն»։