«Ռուսաստանում ծնված, ՀՀ քաղաքացիություն ունեցող երեխաներին թույլ չեն տալիս աշակերտի տոմս առնել». Հայկ Զալիբեկյան

Ճարտարապետ Հայկ Զալիբեկյանը ֆեյսբուքյան իր էջում գրել է. «Ուրեմն գնացինք տխրահռչակ «Թելսել», որ հաստատենք մեր ու մեր երեխեքի կապը։ «Թելսել»-ն ասաց՝ չէ, ախպեր, ձեր երեխեքը ծնվել են Ռուսաստանում, ծննդականը ռուսական ա, ջհանդամը գյոռը, թե հայկական քաղաքացիություն չունեն, գնացեք զագս։
Գնացինք զագս, զագսն ասաց՝ հենց ուզենաք երեխեքին պսակել, էն վախտ էլ կգաք։ Մնացած հարցերով ստե էլ չերևաք, գնացեք Արդարադատության նախարարություն։
Գնացինք Արդարադատության նախարարություն, ասացինք սենց ու սենց, կլինի՞ մի հատ թուղթ տաք, որ սաղ իմանան երեխեքը վերցնովի չեն, որբ չեն։ Ասին՝ չէ, չենք կարա տենց բան տանք, էդ ռուսական ծննդականների հետ խնդիրը գիտենք, բայց բան չենք կարա անենք։ Ջհանդամը գյոռը, թե Հայաստանի քաղաքացի չեն էդ երեխեքը։ Այ երբ հասնի բանակ տանելու վախտը, էն վախտ հարց չկա, մեր գլխի վրա տեղ ունեք։
Բա հիմա ի՞նչ անենքին էլ պատասխանեցին, որ քաղաքապետարանում տեղյակ են էդ խնդրի մասին, մենք մենակ չենք, ինչպես մենակ չէր Նիկոլ Փաշինյանը Հանրապետության հրապարակում 2018 թվականի ապրիլին։
Հիմա Երևանի քաղաքապետարան, էս ցիրկի մասին ի՞նչ կասեք։
Ու, վաբշե, ձեզ համար մեկ չի՞ ում երեխեն ա, որտեղից ա հայտնվել և այլն։ Աշակերտ ա, սովորում ա Երևանում, խի՞ պիտի յոթը կռուգ ֆռֆռաս, որ փորձես ձեր երանելի տոմսային համակարգով աշակերտի տոմս առնել, էն էլ չստացվի»։