«Նիկոլ Փաշինյանն այսօր կիրառեց Ալիևի հորինած «Արևմտյան Ադրբեջան» կեղծ նարատիվը». Հայկ Սահակյան

«Քաղաքացիական որոշում» սոցիալ դեմոկրատական կուսակցության Գործադիր մարմնի անդամ Հայկ Սահակյանի ֆեյսբուքյան գրառումը. «Նիկոլ Փաշինյանն այսօր, առաջին հայացքից աննկատ ու նրբորեն, բայց, այնուամենայնիվ, կիրառեց Ալիևի հորինած «Արևմտյան Ադրբեջան» կեղծ նարատիվը։
*Մինչ այժմ ոչ մի այլ պետության ղեկավար, Ալիևից բացի, չէր օգտագործել այս նարատիվը։
*Այս քայլով Փաշինյանը փաստացի լեգիտիմացնում է Ալիևի տարածքային նկրտումները Հայաստանի նկատմամբ՝ ստեղծելով ռազմական ագրեսիայի համար նոր հիմքեր։
«Արևմտյան Ադրբեջան» ասելով մեր թշնամին նկատի ունի ՀՀ ողջ տարածքը, ներառյալ Երևանը։ Սա նշանակում է, որ հայերը դիտարկվում են՝ որպես համայնք սեփական երկրում՝ ինչպես Ստամբուլում, որտեղ նրանց մի մասն ընդամենը որպես «տեսակ» են թողել։
*Հիշեցում. մոտ մեկ տարի առաջ լրագրողներից մեկը Փաշինյանին հարցրեց այս կեղծ նարատիվի մասին, երբ այն դեռ նոր էր սկսում շրջանառվել։ Փաշինյանի պատասխանը կփարատի համատեղ գործելու ձեր բոլոր կասկածները։ (Հղումը՝ ստորև):
*Ակնհայտ է, որ մենք գործ ունենք ծրագրավորված գործընթացի հետ։ Ժամանակն է արթնանալ, քանի դեռ ուշ չէ»: