«Մահացածի մարմինը 70 կմ պետք է տեղափոխե՞ն հերձելու համար»․ Արման Ղազարյանը՝ Անահիտ Ավանեսյանին

«Հայաստան» խմբակցության պատգամավոր Արման Ղազարյանն այսօր ԱԺ-Կառավարություն հարցուպատասխանի ժամանակ տեղեկացրեց, որ Վարդենիս խոշորացված համայնքի բնակիչներն ահազանգել են՝ նշելով, որ օպտիմալացման քողի տակ այնտեղ դիահերձարանի գործունեությունը դադարեցվում է։

«Համայնքում կան բնակավարեր, որտեղից մինչև մոտակա գործող դիահերձարան հեռավորությունը 70 կմ է։ Ի՞նչ հիմնավորմամբ է համայնքի դիահերձարանը փակվել, կա՞, արդյոք, ժամանակացույց դիահերձարանի վերագործարկման համար»,- առողջապահության նախարարից հետաքրքրվեց ընդդիմադիր պատգամավորը։

«Այդ հարցի լուծումը տվել ենք․ Վարդենիսում, Մեղրիում, որտեղ դիահերձարանը տվյալ համայնքում չէ, պետությունը փոխհատուցում է տեղափոխման ծախսերը»,- պատասխանեց Անահիտ Ավանեսյանը։

«Ո՞նց եք պատկերացնում․ մահացածի մարմինը 70 կմ պետք է տեղափոխե՞ն՝ հերձելու համար, դա միայն ֆինանսական խնդիր չէ»,- արձագանքեց պատգամավորը՝ ընդգծելով՝ լղոզված պատասխան եք տալիս։