Նախարարի նոր օֆերտայով հիվանդանոցները էլի կֆինանսավորվեն, բայց գաղտնի․ «Ժողովուրդ»
 1642 Երեքշաբթի, 11 մարտի, 2025 թ., 09:00 «Ժողովուրդ» օրաթերթը տեղեկացել է, որ ՀՀ առողջության պարտադիր ապահովագրության ծրագրի տապալումը խլացնելու և բարեփոխումների պատրանք ստեղծելու համար առողջապահության նախարարությունը «հիմնովին» փոխել է բժշկական կազմակերպությունների հետ պետական պատվերով ծառայությունների մատուցման պայմանագրի ձևը, բովանդակությունը: Սպասենք ոլորտում հերթական քաոսին: Հիմա անդրադառնանք հարցին, թե ինչու առողջապահության նախարարությունը «ստիպված» կիրառեց օֆերտայի հրապարակային պայմանագիրը: Ամեն ինչ սկսվեց 2023 թվականի դեկտեմբերին առողջապահության նախարարությունում տարեկան հաշվետվության ժամանակ նախարար Անահիտ Ավանեսյանի անզգույշ խոսքից՝ արված վարչապետի ներկայությամբ, որ այլևս պետական պատվերի առանձին պայմանագրային բյուջե բժշկական կազմակերպությունների համար չի գործում, «գումարը գնում է հիվանդի հետևից»: Առաջին հայացքից ավելի ազատական թվացող հրապարակային օֆերտայի պայմանագրով իրականացվող ֆինանսավորումը իր մեջ շատ մեծ խութեր և կոռուպցիոն ռիսկեր է պարունակում: Այսպես, փաստենք, որ մինչև այս չարաբաստիկ փոփոխությունը ամբողջ պետական պատվերի ծառայությունների մատուցումը կարգավորվում էր «Գնումների մասին» օրենքով՝ պահպանելով ԲԿ-ներին տրվող գումարների հարապարակայնությունը: Նկատենք նաև, որ ներկայում առողջապահության նախարարությունը օֆերտայի պայմանագրով տրվող գումարները ներկայացնում է բյուջետային ծախսերի տնտեսագիտական դասակարգման «Այլ նպաստներ բյուջեից» հոդվածով: Այսինքն՝ պետպատվերով բուժումը նախարարը դարձրել է նպաստ, ինչն էլ խառնաշփոթ իրավիճակ է ստեղծել պետական պատվերի ծառայությունների մատուցման բովանդակության, ընթացակարգերի, էության մեջ՝ այն ամբողջովին ծառայեցնելով սեփական բիզնեսների բարգավաճմանը: Թե որ բժշկական կազմակերպությանը, ըստ Պետական բյուջեի եռամսյակային համամասնության, Առողջապահության նախարարությունը ինչքան է գումար հատկացնում, մնում է անթափանց, ծանր վարագույրի հետեւում: Օֆերտայի պայմանագիրը բարենպաստ պայմաններ է ստեղծել առողջապահության նախարարության կառավարիչների համար իրենց «սիրելի» բժշկական կազմակերպություններին հասարակության աչքից հեռու, ըստ կարիքի գումարներ մատակարարելու համար: Մանրամասները՝ թերթի համարում: |
COVID-19-ը հետք է թողնում ուղեղի վրա նույնիսկ լիակատար ապաքինումից հետո․ #BBIH
73221.12.2025, 17:02
«Հրահանգել են խնայողությունների հաշվին բուժաշխատողների դեկտեմբերի աշխատավարձը վճարել»․ Ծաղիկ Վարդանյան
48321.12.2025, 03:06
«Վստահ եմ, որ այս մոդելը չի աշխատելու»․ Կարեն Քոչարյան
65619.12.2025, 15:06
ՀՀ–ում առողջության համընդհանուր պարտադիր ապահովագրության մասին օրենքն ընդունվեց
92117.12.2025, 14:30
Անահիտ Ավանեսյանը ներկայացրել է 500 հազարից մինչև 1 մլն դրամ աշխատավարձ ստացողների ապահովագրավճարի սխեման (տեսանյութ)
79817.12.2025, 10:48
«Շտապօգնությունից՝ ընտանեկան բժշկի ուսերին»․ Անուշ Պողոսյան
80717.12.2025, 03:06
«ՀՀ-ում շարունակվում է արձանագրվել սուր շնչառական վարակներով պայմանավորված հիվանդացության ակտիվություն». ՀՎԿԱԿ
91415.12.2025, 18:54
«Զինծառայողների և փրկարարների ապահովագրավճարի ֆինանսական բեռը պետությունը չի հոգալու»․ Ծաղիկ Վարդանյան
83914.12.2025, 03:06