ԱՄՆ-ում բջջային հավելվածը ներգաղթյալներին թույլ կտա կամավոր լքել երկիրը

ԱՄՆ մաքսային և սահմանների պաշտպանության ծառայությունը հայտարարել է CBP Home կոչվող բջջային հավելվածի մասին, որն անօրինական ներգաղթյալներին թույլ կտա կամավոր լքել երկիրը: Համապատասխան հայտարարությունը հրապարակվել է գերատեսչության կայքում։

Նշվում է, որ ցանկացողները դիմումի մեջ կարող են նշել ԱՄՆ-ն լքելու իրենց ցանկության մասին՝ նախքան ավելի խիստ միջոցների ենթարկվելը։ Ինչպես ընդգծել է ներքին անվտանգության նախարար Քրիստի Նոեմը, սա ներգաղթյալներին հնարավորություն կտա նաև ապագայում օրինական ճանապարհով վերադառնալ ԱՄՆ, հայտնում է Reuters-ը։

Հունվարի 20-ին իր երդմնակալության արարողությունից հետո ԱՄՆ նախագահ Դոնալդ Թրամփը գործադիր հրաման էր ստորագրել ԱՄՆ-Մեքսիկա սահմանին արտակարգ դրություն հայտարարելու մասին։ ԱՄՆ-ի հարավային սահմանին տեղակայվել են զորքեր՝ անօրինական ներգաղթյալների մուտքը կանխելու համար: