Դատախազությունը Հովիկ Աղազարյանի և Տարոն Մարգարյանի նկատմամբ քրեական հետապնդում սկսելու միջնորդագիր է ներկայացրել ԱԺ

ՀՀ գլխավոր դատախազությունը միջնորդագիր է ներկայացրել Ազգային ժողով՝ պատգամավորներ Հովիկ Աղազարյանի և Տարոն Մարգարյանի նկատմամբ քրեական հետապնդում հարուցելուն համաձայնություն տալու մասին:

Ըստ հրապարակումների՝ դատախազությունը ցանկանում է Հովիկ Աղազարյանի նկատմամբ հետապնդում սկսել առանձնապես խոշոր չափով կաշառքի և պաշտոնատար անձի նկատմամբ ունեցած իրական կամ ենթադրյալ ազդեցությունն օգտագործելու հոդվածներով։

Տարոն Մարգարյանի դեպքում՝ առանձնապես խոշոր չափերով փողերի լվացման, պաշտոնատար անձի կողմից իշխանական կամ ծառայողական լիազորությունների չարաշահման, պետական կամ համայնքային սեփականություն հանդիսացող հողամասերի ինքնակամ զավթման հոդվածներն են: