«Բացառվում է որևէ ուղղորդում, հրահանգ»․ Անահիտ Ավանեսյանը՝ Գյումրու ընտրությունների մասին

Առողջապահության նախարար Անահիտ Ավանեսյանը լագրողների հետ զրույցում բացառեց, որ Գյումրու ընտրությունների ժամանակ իր կողմից կարող է որևէ հրահանգ լինել բուշաշխատողներին։ Հարցին, թե մտավախություններ կան, որ Գյումրիում նախընտրական միջոցառմանը մասնակցելով՝ նա բուժաշխատողներին ազդակ է տալիս, որպեսզի ընտրեն իրենց թեկնածուին, Ավանեսյանը պատասխանեց․ «Վա՜յ, վա՜յ, վա՜յ... այդ մարդիկ, ովքեր մտավախություններ ունեն, հորդորում եմ շատ հրատապ կերպով դրանք հայտնել իրավապահ մարմիններին և մարդկանց չվերագրել մի բան, որի մեջ իրենք շատ լավ մասնագիտացված են եղել․․․Ոչ աշխատանքային օրվա ընթացքում գնացել եմ Գյումրի և մասնակցել եմ դրամահավաքին։ Նախարարը և կառավարությունը քաղաքական մարմին են և չեն կարող լինել ապաքաղաքական։ Բացառվում է որևէ ուղղորդում, հրահանգ, քանի որ դրա կարիքը չկա»,- ասաց նախարարը։